Upraŭleńnie Śledčakaha kamiteta pa Minsku pradjaviła abvinavačańnie rabotniku UP «Minskkaapdruhasresursy» ŭ ździajśnieńni machlarstva ŭ asabliva bujnym pamiery i padbuchtorvańni da chabaru.
Jaho zatrymali pra atrymańni ad narychtoŭščyka ŭnitarnaha pradpryjemstva chabaraŭ na 80 tysiač dalaraŭ. Hrošy nibyta pryznačalisia słužbovymi asobam UP i pravaachoŭnikam.
«Padčas śledstva ŭstanoŭlena, što padazravany, pazicyjanujučy siabie čałaviekam sa značnymi suviaziami, nastojliva prapanoŭvaŭ kalehu zastupnictva ŭ vyrašeńni lubych prablemnych pytańniaŭ, jakija mohuć paŭstać u pracesie pracy.
Jon pierakanaŭ narychtoŭščyka, što paśla pieradačy kiraŭnikam pradpryjemstva chabaru ŭ 50 tysiač dalaraŭ, apošni budzie zastrachavany ad vyjaŭleńnia parušeńniaŭ pry praviadzieńni rehularnych ŭnutranych pravierak, heta taksama stanie harantyjaj praciahu ź im pracoŭnych adnosin. Chabar u 30 tysiač dalaraŭ pradstaŭnikam orhanaŭ unutranych spraŭ nibyta moh harantavać chabaradavalniku niepryciahnieńnie da kryminalnaj adkaznaści, kali ŭ jaho dziejnaści buduć uhledžany supraćpraŭnyja dziejańni.
Pasiarednikam pry pieradačy chabaraŭ padazravany prapanavaŭ siabie», — adznačyli va USK pa Minsku.
U realnaści ž mužčyna nie mieŭ mahčymaści vyrašać padobnyja pytańni — chacieŭ chutka zarabić.
Abvinavačany znachodzicca pad vartaj. Jon častkova pryznaŭ vinu. Na jaho majomaść nakładzieny aryšt.