Ministerstva abarony Ukrainy nabyła 75 lohkich BTR brytanskaj vytvorčaści Saxon, jakija mohuć być vykarystanyja jak univiersalnyja mašyny, što dziejničajuć u bližniem tyle vojskaŭ, paviedamiŭ sajt unian.ua.
Lohki BTR Saxon.
Hetyja mašyny, zdolnyja pieravozić 10 desantnikaŭ, byli raspracavanyja ŭ kancy 1970-ch hadoŭ i adroźnivajucca vialikim unutranym abjomam i šmatmetavaściu: mohuć być pieraroblenyja ŭ sanitarnyja, kamandnyja, patrulnyja i ramontnyja mašyny. Taksama ich možna pierarabić u mabilnuju minamiotnuju ŭstanoŭku.
Standartnaje ŭzbrajeńnie mašyn — adzin kulamiot kalibra 7,62 mm.
Pieršapačatkovaje pryznačeńnie Saxon - chutkaje pierakidvańnie brytanskich vojskaŭ pa darohach Zachodniaj Jeŭropy ŭ vypadku vajny suprać SSSR, tamu jany majuć vysokuju chutkaść — 96 km/h. Mašyny, jakija abaronienyja branioj tolki ad kulaŭ strałkovaj zbroi i drobnych askiepkaŭ, majuć dadatkovuju abaronu dna ad vybuchaŭ min.