Michaił Lavonćjeŭ, pres-sakratar kampanii «Rośniefć», u intervju izrailskamu telekanału zajaviŭ, što Ukraina i Hruzija pieršymi napali na Rasiju.
Adkazvajučy na pytańnie žurnalista ab akupacyi Kryma i bajavych dziejańniach na Danbasie, Lavonćjeŭ skazaŭ: «Nie byvaje ruskich sieparatystaŭ! Na nas praktyčna napali! Metaj śpiecapieracyi źjaŭlajecca ŭciahvańnie Rasii ŭ hety kanflikt». Pavodle jaho słoŭ, dadzienaja apieracyja była spłanavanaja ZŠA, pakolki jany chočuć pačać novuju «chałodnuju vajnu» z Rasijaj.
Taksama jon paviedamiŭ, što «ruskija i ŭkraincy — heta adzin narod», a palityka RF nie źjaŭlajecca ahresiŭnaj, tamu što «kali b Rasija pavodziła siabie ahresiŭna, nijakaj Ukrainy daŭno b nie było». Pavodle jaho słoŭ, Maskva nie moža «źmirycca z sychodam Ukrainy pad banderaŭskuju ŭładu», Boinh źbiła Ukraina, kab abvinavacić Rasiju, a Hruzija ŭ svoj čas hetak ža vierałomna napała na Rasiju pieršaj. Bolš padrabiazna hladzicie ŭ videa.
