Ministerstva handlu Biełarusi ŭviało maratoryj na rost cen da 15 studzienia 2015 hoda, paviedamiła pres-sakratar Ministerstva handlu Alena Malinoŭskaja.
«Z ulikam pryniataha 5 śniežnia 2014 hoda ŭkaza numar 567 «Ab dadatkovych mierach pa abaronie pravoŭ spažyŭcoŭ» Minhandal pradpisaŭ halinovym ministerstvam, kancernam, abłasnym i Minskamu haradskomu vykankamam abjavić maratoryj na pavieličeńnie adpusknych i roźničnych cen na spažyvieckija tavary ŭ pieradśviatočnyja i śviatočnyja dni (da 15 studzienia 2015 hoda)», — skazała pres-sakratar.
Za nievykanańnie paradku cenaŭtvareńnia, a taksama zakanadaŭstva ab handli i hramadskim charčavańni (realizacyja praterminavanych abo niajakasnych tavaraŭ, nievykanańnie režymu raboty abjekta, asartymientnaha pieraliku, padman pakupnikoŭ i h.d.) da parušalnikaŭ buduć prymianiacca samyja strohija miery, až da zakryćcia handlovych abjektaŭ, abjektaŭ hramadskaha charčavańnia.