U federalny pieralik padručnikaŭ uvajšli dva padručnika, što vyklikali krytyku admysłoŭcaŭ za sprobu apraŭdańnia stalinskich represijaŭ.
Dapamožniki «Historyja Rasiei. 1945—2007» pad redakcyjaj Alaksandra Filipava i «Hramadaznaŭstva. Hlabalny śviet u XXI stahodździ» pad redakcyjaj Leanida Palakova vyklikali narakańni z boku navukoŭcaŭ, nastaŭnikaŭ i hramadzkaści. Najpierš, jak paviedamlaje paviedamlaje Hazieta.ru, za sproby apraŭdańnia stalinskich represijaŭ i aficyjnuju prapahandu siońniašniaj palityčnaj systemy Rasiei.
Pavodle dyrektara Instytutu rasiejskaj historyi RAN Andreja Sacharava, eksperty vystavili aŭtarskamu kalektyvu padručniku na naviejšaj historyi niekalki zaŭvahaŭ. Najpierš, aŭtaram zakidałasia toje, što ŭ padručniku pavajenny peryjad aceńvajecca ŭ adryvie ad analizu historyi 20‑ch hadoŭ, stalinskich represijaŭ i HUŁAHu. Inšyja zaŭvahi datyčyli aŭtarskaha vyznačeńnia charaktaru savieckaha hramadztva. Alaksandar Filipaŭ i Leanid Palakoŭ, u adroźnieńnie ad ekspertaŭ, nia ličać jaho tatalitarnym. Adnak da dumki navukoŭcaŭ prysłuchalisia tolki adnojčy — z padručnika prybrali raździeł «Miesca i rola Stalina ŭ historyi. Sprečnyja pytańni».
Varta adznačyć, što vučycca pa hetych padručnikach buduć tolki ŭ tych škołach, jakija samastojna ich abiaruć (usiaho ŭ śpisie ministerstva adukacyi 23 rekamendavanych i 5 dapuščanych padručnikaŭ pa historyi, a vyšejpamianiony dapamožnik adnosicca da apošniaj katehoryi).
