Z-za zboju vientylacyjnaj sistemy na śvinakompleksie ŭ Lubanskim rajonie za noč pamierła bolš za paŭtysiačy žyvioł, paviedamiŭ telekanał «Biełaruś 1».
Aficyjny pradstaŭnik upraŭleńnia Śledčaha kamiteta pa Minskaj vobłaści Taćciana Biełanoh skazała, što ciapier pa raspačataj kryminalnaj spravie pravodzicca kompleks śledčych dziejańniaŭ, skiravany na vyśviatleńnie ŭsich akaličnaściaŭ zdareńnia.
Pavodle infarmacyi «Biełaruś 1», inviestaru naniesieny ŭron u 1 młrd. 250 młn. rubloŭ.
Padrabiaznaściaŭ zdareńnia ŭ miascovych žycharoŭ telekanału vyśvietlić nie ŭdałosia, pakolki amal uvieś čas za zdymačnaj hrupaj jeździła mašyna «ź niejkaj sanstancyi», i ludzi, ubačyŭšy, chto tam znachodzicca, admaŭlalisia mieć kantakty z žurnalistami».
0
0
0
0
0
0
