Hieroi hodu: Dzieciuki
Na zdymkach klipa «Chłopcy-bałachoŭcy». Fota z supołki Dzieciuki UKantakcie
Hierojami 2014 hodu ŭ biełaruskaj muzycy žury pryznała folk-pank hurt Dzieciuki z Hrodna. Prezientacyja ich debiutnaha albomu «Haradzienski harmidar» stała na partale Tuzin.FM samym čytanym artykułam hodu, a pieśni ŭvachodziać u top prasłuchoŭvańniaŭ. Za hod hurt adznačyŭsia čatyrma klipami, na zdymkach adnoha ź ich hurt byŭ zatrymany milicyjaj. Muzyki adyhrali tur pa Jeŭropie, padčas jakoha dali 14 kancertaŭ za 14 dzion.
U skład «Dzieciukoŭ» ŭvajšli eks-udzielniki hurta «KalJan»,niekatoryja z «Dzieciukoŭ» taksama hrajuć u prajekcie «Ludzi na bałocie».
Słuchać «Haradzienski harmidar» hurta Dzieciuki
Hladzieć klip «Chłopcy-bałachoŭcy» hurta Dzieciuki
Adkryćcio hodu: Leibonik
Siarhiej Bašłykievič. Fota: Aleś Kot-Zajcaŭ, budzma.by
Najlepšym adkryćciom 2014 hodu pryznany Siarhiej Bašłykievič i hurt Leibonik. Muzyka rodam z Ašmianaŭ vystupaje jak adzin, tak i z hurtom, vykonvaje svaje pieśni i kavery na pieśni rasijskich i suśvietnych zorak. U 2014 hodzie staŭ łaŭreatam «Bardaŭskaj vosieni», daŭ šerah paśpiachovych kancertaŭ.
Słuchać pieśni Siarhieja Bašłykieviča i hurta Leibonik
Hladzieć videa «Samotny łoś» Siarhieja Bašłykieviča
Čytajcie taksama: Tuzim.FM nazvaŭ hałoŭnyja biełaruskija chity-2014
