Muzyki kažuć, što novuju pracu varta ŭsprymać jak zaklik.
U Brutto znoŭ novy sinhł. Jon maje nazvu «Budź śmiełym» i składajecca z dvuch trekaŭ: ułasna «Budź śmiełym» — novaha, napisanaha na vierš Janki Kupały, i śviežaj viersii «lapisaŭskaj» pieśni «Śviaŝiennyj ohoń» z kryčałkami i spartovym zapałam.
Siarhiej Michałok i kampanija kažuć, što sinhł varta ŭsprymać jak zaklik:
«Budź śmiełym, kali idzieš za svajoj maraj, i budzie z taboj śviaty ahoń».
Pieśniu «Budź śmiełym» muzyki taksama supravadzili lyric-videa, piša «Jeŭraradyjo».
Vierš «Budź śmiełym!» Janka Kupała napisaŭ u 1913 hodzie.
Budź śmiełym!.. Mahutna jarmo druzhačy!
Idzi sam napierad, druhich viedučy!
Budź śmiełym!.. Nie vier u ludskuju brachniu,
Vier tolki ŭ advahu i siłu svaju!
Budź śmiełym, choć putali b złydni ŭvakruh, —
Advažnym vajakam nie strašny łancuh!
Budź śmiełym, jak viecier, jak vola sama!
Znaj, śmiełych nie čepie ni kryŭda, ni ćma!
Budź śmiełym, jak bura, što kryšyć duby,
A budzie tvoj vierch, tvajo prava ŭsiahdy!
Pra ŭźniknieńnie hurtu Brutto, novaha prajekta Siarhieja Michałka, było abvieščana ŭ pačatku vosieni. Z taho času hurt zapisaŭ albom Underdog i abviaściŭ pra Underdog Tour 2014 u jaho padtrymku. Paśla zabarony kancertaŭ u Minsku i rasijskaj Samary Brutto rychtujecca vystupić u Maskvie (20 śniežnia) i Kijevie (27 śniežnia).
