Chimiki kalifarnijskaha ŭniviersiteta Riverside stvaryli novy typ pierazapisvalnaj papiery, na jakoj možna budzie drukavać, zatym ścirać tekst, zatym znoŭ drukavać i hetak nieadnarazova.
Źjaŭleńnie ličbavych pryład u damach, ofisach i na pradpryjemstvach nie spyniła vykarystańnia staroj i nadziejnaj papiery. Bolšaść arhanizacyj pa-raniejšamu praciahvaje drukavać stosy dakumientaŭ, da 400 młn ton u hod, i hetaja ličba ŭsio raście. Značnaja častka dakumientaŭ i ŭ ciapierašni čas drukujecca i zachoŭvajecca na papiery, ale ŭ toj ža čas vialikaja kolkaść hetych dakumientaŭ stanovicca śmiećciem paśla niadoŭhaha vykarystańnia.
Dla vyrabu pierazapisvalnaj papiery vučonyja vykarystoŭvajuć chimičnyja ŭłaścivaści kankretnych akiślalna-adnaŭlenčych farbavalnikaŭ. Hetyja farbavalniki nanosiacca adzin raz, a paśla ich płast pakryvajuć admysłovaj plonkaj. Dla ścirańnia napisanaha i paŭtornaha vykarystańnia papiery jaje treba nahreć da tempieratury 115°C.
Dla takoj papiery tempieratura ŭ 115°C biaśpiečnaja. U zvyčajnych łaziernych pryntarach jana nahravajecca da 200°C, i tady čaścicy tonara mohuć źviazvacca ź jaje pavierchniaj. Dla pierazapisvalnaj papiery nie patrebnyja čarniły, što robić jaje vykarystańnie ekanamična vyhadnym i biaśpiečnym dla ekałohii. Heta pryvabnaja alternatyva zvyčajnaj papiery ŭ epochu razumieńnia važnaści zachavańnia navakolnaha asiarodździa.
Nadrukavany tekst zastajecca razborlivym kala 3 dzion — hetaha dastatkova, naprykład, dla čytańnia haziet. Raspracavanuju papieru lohka vyrablać, jana tannaja, nietaksičnaja i nie patrabuje šmat enierhii.
Ciapier navukoŭcy zaniatyja pytańniem pavieličeńnia cykłaŭ pierazapisvańnia infarmacyi, pakul što jany pastavili płanku ŭ 100 cykłaŭ. Kamanda pracuje i nad tym, kab tekst zastavaŭsia čytanym na praciahu bolš doŭhaha terminu.
