U amierykanskim horadzie Ńju-Bransuik u štacie Ńju-Džersi, u vienhierskim kulturnym centry, štohod pierad Kaladami adbyvajecca ŭračystaść, u prahramu jakoje ŭvachodzić pakaz jalinak roznych etničnych hrupaŭ. Piajucca taksama kaladki.
Fota Sierža Tryhuboviča
25 hadoŭ tamu, jak biełaruskaja pravasłaŭnaja carkva Žyrovickaj Maci Božaj, što znachodzicca ŭ horadzie Hajlend-Park pobač ź Ńju-Bransŭikam, biare ŭdzieł u hetaj kaladnaj uračystaści.
Udzieł u pakazie jalinak byŭ zapačatkavany niabožčycaj Halinaj Rusak dy praciahvajecca starańniami Siarhieja Tryhuboviča.
Siarod dziasiatka jalinak na sioletnim pakazie staić i biełaruskaja, udekaravanaja azdobami, talenavita zroblenymi ŭ Biełarusi vyklučna z sałomki. Kala jalinki staić tablica z apisańniem našaj kaladnaj kućci.
Siarod jalinak — italjanskaje, hrečaskaje, japonskaje dy inšych — biełaruskaja hladzicca vielmi pryvabna.
Jana budzie śviedčyć pra Biełaruś na praciahu nastupnych troch tydniaŭ.
