Kadr ź filma «Intervju»
U paviedamleńni, što było atryma naje 16 śniežnia, chakiery pahražali zładzić terakty padčas premjer «Intervju».
«Zhadajcie 11 vieraśnia [terakty ŭ 2001 hodzie. — NN]. My raim vam trymacca dalej ad kinateatraŭ. Kali vaš dom pobač, lepiej sychodźcie. Što by nie adbyłosia ŭ bližejšyja dni, toje vyklikana prahnaściu Sony Pictures», — pišuć chakiery.
Mienavita vychad «Intervju», jaki ŭtrymlivaje scenu hibieli paŭnočnakarejskaha dyktatara Kim Čen Yna, ličycca hałoŭnaj pryčynaj chakierskaj ataki na Sony ŭ listapadzie.
Paŭnočnaja Kareja admaŭlaje svajo dačynieńnie da ataki. Adkaznaść za jaje na siabie ŭziała chakierskaja hrupoŭka GOP (Guardians of Peace).
Film «Intervju» musiŭ vyjści ŭ amierykanski prakat na Kalady. U Rasii premjera pryznačanaja na kaniec studzienia. Ab biełaruskim prakacie filma pakul ničoha nie viadoma.
Pa siužecie žurnalist Žejv i jaho siabra Aaran chočuć uziać intervju ŭ Kim Čen Yna, ale CRU daje im zadańnie zabić dyktatara.
Paŭnočnaja Kareja aficyjna skardziłasia ŭ AAN i abvinavačvała stvaralnikaŭ filma ŭ spansavańni teraryzmu i «abviaščeńni vajny» praz dazvoł na zdymki stužki. Pa słovach pradstaŭnika Kim Čen Yna, hałava KNDR asudžaje film, ale ŭsio roŭna jaho pahladzić.
