U adnym recepcie mohuć być ukazanyja dva lekavyja srodki.
Pra heta havorycca ŭ zahadzie ministra achovy zdaroŭja Vasila Žarko №1315 ad 15 śniežnia 2014 hoda »Ab niekatorych pytańniach vypisvańnia lekavych srodkaŭ, što realizujucca z aptek pa receptach daktaroŭ».
Zhodna z dakumientam, na rieciepturnym błanku formy № 1, u jakim ukazvajucca miedpreparaty, što realizujucca z aptek za poŭny košt, možna ŭkazvać adzin abo dva lekavyja srodki.
U vypadku, kali leki patrabujuć rastvareńnia pry ŭžyvańni, na błanku mohuć vypisvacca adrazu try srodki, adno ź jakich budzie rastvaralnikam.
Dadzienaje novaŭviadzieńnie nie zakranie błanki receptaŭ formy № 2, pryznačanyja dla vypiski narkatyčnych srodkaŭ, i błanki formy № 3 dla psichatropnych rečyvaŭ ci lekavych srodkaŭ z anabaličnaj aktyŭnaściu.
