Premjer-ministr Michaił Miaśnikovič rastłumačyŭ pryčyny, čamu ŭłady krainy ŭviali 30-pracentny zbor pry kupli valuty.
U krainie, raskazaŭ premjer, naziraŭsia ažyjatažny popyt na valutu. U asobnyja dni abjomy prodažaŭ nasielnictvu tolki praz abmieńniki dachodzili da $90—97 młn u dzień. U toj čas jak kupla składała ŭsiaho kala $15—17 młn u dzień.
Svaju rolu adyhrała devalvacyja valut u krainach, na jakija prypadaje 55 pracentaŭ biełaruskaha ekspartu.
Tak, devalvacyja rasijskaha rubla ŭ 2014 hodzie skłała 80 pracentaŭ, tenhie — 20 pracentaŭ, hryŭni — 100 pracentaŭ.
U vyniku ŭ apošnija miesiacy istotna pavialičyŭsia prytok impartnych tavaraŭ u Biełaruś. Naprykład, z Rasii za kastryčnik-listapad biahučaha hoda hramadzianie ŭvieźli 21,5 tys. aŭtamabilaŭ na sumu kala $320 młn.
Va ŭmovach, kali ŭskładniłasia situacyja na źniešnich konturach, pačaŭsia valutny ažyjataž u krainie, urad i Nacbank pajšli na nietradycyjnyja miery.
Standartnaja devalvacyja nacyjanalnaj valuty, jak kłasičny mietad, nie dała b naležnaha efiektu, ličyć premjer.
Źnižeńnie koštu biełaruskaha rubla pryviało b da rostu tempaŭ inflacyi i praź niejki čas usio viarnułasia b na zychodnuju pazicyju, miarkuje premjer-ministr.
