Kali ciabie buduć sudzić - nazavisia sabakam.
A kali, naprykład, spytajuć: «dzie žyviacie?»
Skuhol, što žyvieš na vulicy, skuhol: «za bakam».
Pakazvaj miahki žyvot z poŭściu na žyvacie.
Pavodź siabie dobra. Kiepska vyhladaj rankam.
Pakutuj za ŭsie sabačyja i ludskija hrachi.
Lažy na śpinie. Skručvaj chvost abarankam.
Chaj nos tvoj budzie vialiki i zaŭsiody suchi.
Praciahvaj łapu. Tamu chto jaje ściskaje
Važna nie łapa, a akt dareńnia jak dar.
I budź upeŭnieny, pryjdzie luboŭ ludskaja
Pišy: sabaka, - prypišacca haspadar.
Jon pryjdzie sam, by vyrazany ź ikony
Biez rys i składak hołaŭ schiliŭšy nic
Hladzieć na śmietnicu sa svajho bałkona
I miratočyć z ahromnych ciomnych vačnic.
0
0
0
0
0
0
