Pytańni raźvićcia haradoŭ-spadarožnikaŭ pavinny razhladacca kompleksna. Hetaha zapatrabavaŭ siońnia na pasiadžeńni Prezidyuma Savieta Ministraŭ premjer-ministr Michaił Miaśnikovič. Adnym z pytańniaŭ, jakija razhladalisia siońnia, stała kancepcyja raźvićcia haradoŭ-spadarožnikaŭ.
«Heta nie prosta niejkaje dziažurnaje pytańnie: jano vielmi važnaje dla raźvićcia našaj krainy ŭ cełym, pakolki harady-spadarožniki — heta nie tolki sialibnyja placoŭki (tam, dzie budzie budavacca žyllo). My pavinny vyrašyć tam usie pytańni, źviazanyja ź infrastrukturaj, sacyjalnymi abjektami»,
— skazaŭ premjer. Pry hetym hałoŭnaje, na što treba źviarnuć uvahu, heta stvareńnie ŭ hetych haradach novych rabočych miescaŭ.
U ramkach ukaza ad 7 maja 2014 hoda zaćvierdžany pieralik horadabudaŭničaj dakumientacyi, u adpaviednaści ź jakim viadziecca raspracoŭka hienieralnych płanaŭ takich haradoŭ — spadarožnikaŭ Minska, jak Dziaržynsk, Zasłaŭje, Łahojsk, Fanipal, Rudziensk, Smalavičy. Zaviaršyć jaje, pavodle słoŭ ministra architektury i budaŭnictva Anatola Čornaha, płanujecca da 1 sakavika 2015 hoda. Da 1 červienia hienpłany va ŭstanoŭlenym paradku nieabchodna budzie ŭnieści ŭ Saŭmin dla pradstaŭleńnia kiraŭniku dziaržavy.
Jak adznačyŭ Anatol Čorny, z ulikam taho, što z 2017 hoda abjom budaŭnictva žylla ŭ Minsku budzie źnižany da 500 tys. kv.m u hod, u haradach-spadarožnikach płanujecca raźmiaścić da 2030 hoda da 120 tys. žycharoŭ stalicy.
«Ułasny demahrafičny patencyjał u haradach-spadarožnikach za hety pieryjad składzie kala 20 tys. čałaviek. Takim čynam, ahulnaja kolkaść nasielnictva haradoŭ-spadarožnikaŭ pavialičycca z 94 tys. na siońnia da 230 tys. da 2030 hoda»,
— skazaŭ ministr.
Adnoj z asnoŭnych zadač žyllovaha budaŭnictva ŭ haradach-spadarožnikach budzie vykarystańnie miechanizmaŭ ilhotnaha kredytavańnia. Žychary hetych haradoŭ naraŭnie z žycharami haradoŭ z kolkaściu nasielnictva da 20 tys. mohuć karystacca lhotnym kredytam u pamiery 10 pracentaŭ staŭki refinansavańnia. Akramia žylla, u haradach-spadarožnikach budzie aktyŭna stvaracca nieabchodnaja infrastruktura.
Što datyčycca novych pracoŭnych miescaŭ, to ich płanujecca stvaryć kala 75 tys., nie mienš jak 40 pracentaŭ ź jakich — u śfiery pasłuh. Raźmiaščeńnie vytvorčaściej budzie ažyćciaŭlacca ŭ adpaviednaści sa śpiecyjalizacyjaj haradoŭ-spadarožnikaŭ pa halinach ekanomiki.
Anatol Čorny pryvioŭ ličby pa płanujemym pavieličeńni kolkaści nasielnictva ŭ kožnym z haradoŭ-spadarožnikaŭ da 2030 hoda, a taksama roście abjomaŭ žyllovaha fondu. U siarednim jany vyrastuć u 2-3 razy.
