Pa zamovie Nacyjanalnaha banka ŭ Biełaruś u bližejšyja dni dastaviać jašče kala $ 200 młn. Ab hetym siońnia žurnalistam paviedamiła staršynia praŭleńnia Nacbanka Nadzieja Jermakova.
Prablema deficytu valuty ŭ abmieńnikach vyrašana: 23 śniežnia ŭ krainu pa zamovie Nacbanka była zavieziena vialikaja suma najaŭnaj valuty.
Nadzieja Jermakova adznačyła: «29-ha jašče zamovili kala $200 młn. U asnoŭnym popyt na dalary, jeŭra karystajecca mienšym popytam».
Situacyja na valutnym rynku stabilizujecca. Valuty ŭ abmieńnikach pradajecca bolš, čym kuplajecca. Hetamu spryjała toje, što kurs prodažu (plus 30-pracentny zbor) nabyŭ narmalnaje suadnosiny adnosna kursu pakupki. Roźnica pamiž imi ciapier składaje kala Br700-800, skazała Nadzieja Jermakova, dadaŭšy, što 30%-y zbor nieŭzabavie moža być admienieny.
