Sud nad kniharniaj «Łohvinaŭ» projdzie siońnia, 5 studzienia, u Ekanamičnym sudzie (Minsk, vuł.Akademičnaja 15, korpus 1). Pačatak a 15-j
Jak pisałasia raniej, kultavy intelektualny adras biełaruskaj stalicy apynuŭsia pad pahrozaj źniknieńnia.
Pazapłanavaja padatkovaja pravierka pryjšła ŭ kniharniu «łohvinaŬ» u pačatku śniežnia. Pamiaškańnie apiačatali, a dakumientacyju ŭziali na vyvučeńnie. Pa vynikach pravierki kniharniu raśpiačatali. Ale vynieśli surovaje pakarańnie za pracu bieź licenzii Ministerstva infarmacyi.
Pa vynikach pravierki kniharniu aštrafavali amal na 1 miljard rubloŭ – takoj była suma prodažaŭ knih za hod. Spahaniać hetyja hrošy buduć praz sud.
Ułaśnik kniharni Ihar Łohvinaŭ adznačyŭ, što za hod jon vosiem razoŭ źviartaŭsia ŭ Mininfarm pa licenziju. I kožny raz jamu admaŭlali. Adna z admoŭ była źviazana z tym, što Ihar niapravilna ŭkazaŭ paštovy indeks.
Letaś Ministerstva infarmacyi zabrała ŭ vydaviectva «Łohvinaŭ» licenziju za vypusk alboma «Pres-fota Biełarusi 2011». Albom pryznali nibyta ekstremisckim.
Kniharnia źjaŭlajecca miescam šmatlikich knižnych prezientacyj i hranična značnaj dla nacyjanalnaj kultury i litaratury prastoraj.
