Tut.by
Novyja ceny na pasłuhi DAI stali dziejničać z 8 studzienia. Novyja rascenki stali siurpryzam dla kursantaŭ, jakija pryjechali na ispyt ranicaj 8 studzienia — ab źmienie cenaŭ na pasłuhi nichto nie papiaredžvaŭ.
Z hetaha času zdača tearetyčnaha ispytu budzie kaštavać 0,3 BV abo 54 tys. rubloŭ (raniej — 0,05 BV), praktyčnaha — 1 BV abo 180 tys. rubloŭ (raniej — 0,1 BV).
Cana kampjutarnych pasłuh i afarmleńnia zajavy na padaču dakumientaŭ, a taksama samoha paśviedčańnia kiroŭcy zastalisia raniejšymi — 0,12 i 2 BV adpaviedna.
Na sajcie DAI Minska rascenki na ekzamienacyjnuju dziejnaść užo źmienienyja na novyja.
DAI daŭno była niezadavolenaja nizkim uzroŭniem padrychtoŭki kursantaŭ.
Raniej ustanoŭlenyja nizkija ceny dazvalali budučym kiroŭcam biesprablemna dla ich kašalkoŭ pierazdavać ispyty dziasiatki razoŭ: u ekzamienacyjnych adździełach źbiralisia vializnyja čerhi. Mahčyma, rašeńnie surjozna pavialičyć canu pasłuh źjaŭlajecca mieraj finansavaha ŭździejańnia na niepadrychtavanych kursantaŭ — pierazdavać «na avoś» zaraz stanie nakładna.
Pakul nie ŭdałosia atrymać aficyjny kamientar ad DAI.
