Frunzienski (Minska) rajonny adździeł Śledčaha kamiteta rasśleduje kryminalnuju spravu ab supraciŭleńni rabotniku orhanaŭ unutranych spraŭ, spałučanym z užyvańniem nasilla.
Jak paviedamiŭ aficyjny pradstaŭnik USK pa Minsku Alaksandr Hierasimaŭ, u noč na 4 studzienia ad žycharoŭ adnaho z damoŭ u Frunzienskim rajonie pastupiła paviedamleńnie ab tym, što niećviarozaja kampanija bje škło ŭ padjeździe. Narad patrulna-pastavoj słužby milicyi na miescy znajšoŭ dvuch mužčyn.
Pry zatrymańni parušalnikaŭ hramadskaha paradku adzin ź ich napaŭ na supracoŭnika milicyi. Z metaj spynieńnia supraćpraŭnych dziejańniaŭ napadajučaha supracoŭnik orhanaŭ unutranych spraŭ paśla papieradžalnaha strełu byŭ vymušany ŭžyć zbroju. Padčas baraćby supracoŭnik milicyi atrymaŭ traŭmy i paźniej byŭ špitalavany. Złamyśnik taksama dastaŭleny ŭ miedycynskuju ŭstanovu. Pahrozy dla ich žyćcia niama.
Frunzienskim RASK raspačata kryminalnaja sprava pa prykmietach złačynstva, praduhledžanaha č. 2 art. 363 KK (supraciŭleńnie rabotniku orhanaŭ unutranych spraŭ).
Padazrony — 20-hadovy minčanin, raniej sudzimy za rabavańnie z užyvańniem nasilla i złosnaje chulihanstva, jaki vałodaje navykami roznych adzinaborstvaŭ. Pavodle vynikaŭ miedycynskaha ahladu, jon znachodziŭsia ŭ stanie ałkaholnaha apjanieńnia.
Padčas rasśledavańnia buduć ustanoŭlenyja ŭsie akaličnaści zdareńnia, a dziejańniam zatrymanych dadziena kančatkovaja pravavaja acenka.
