Pra heta na siońniašniaj pres‑kanferencyi paviedamiła načalnik adździełu klimatu «Respublikanskaha hidrametearalahičnaha centru» Alena Kamaroŭskaja.
Nadzvyčaj ciopłym letaś byŭ studzień, siaredniaja temperatura jakoha na 7,8 hradusaŭ pieravyšała klimatyčnuju. Rekordna niepraciahłaj była i klimatyčnaja zima, jakaja pačałasia tolki naprykancy studzienia i skončyłasia ŭžo ŭ pačatku sakavika. Samym chałodnym miesiacam letaś byŭ luty, samym ciopłym — žnivień. Što da asadkaŭ, to minuły hod byŭ zvyčajnym dla Biełarusi.
Hałoŭny synoptyk «Respublikanskaha hidrametearalahičnaha centru» Volha Fiadotava paviedamiła, što marazy, jakija pryjšli ŭ Biełaruś u pačatku hodu, užo adstupajuć. Bližejšymi dniami čakajecca baraćba miž choładam i ciapłom, budzie iści mokry śnieh, taksama čakajecca hałalod. Užo zaŭtra temperatura na Zachadzie krainy, mahčyma, budzie plusavaj. Na vychodnych čakajecca kala nula.
Pa prahnozach specyjalistaŭ siaredniaja temperatura ŭ lutym składzie ‑4 — ‑7 hradusaŭ. Rańniaja viasna pryjdzie naŭrad.