kommersant.ru
Rasspažyŭnahlad rekamiendavaŭ roźničnym sietkam vyklučyć z abarotu sol ukrainskaj i biełaruskaj vytvorčaści, na jakija prychodzicca zvyš za pałovu rynku.
U pryvatnaści, upraŭleńnie Rasspažyŭnahlada pa Leninhradskaj vobłaści ŭ siaredzinie śniežnia 2014 zapytała ŭ handlovych sietak infarmacyju ab najaŭnaści soli ŭkrainskich vytvorcaŭ «Artiemsol» i «Słavianskaja sol», a taksama biełaruskich — «Mazyrsol» i «Biełkalij» — dla vyklučeńnia ich z abarotu. Padstavaj dla takoha rašeńnie stała toje, što ŭ chodzie płanavych pravierak u pradukcyi hetych pradpryjemstvaŭ, maŭlaŭ, byli znojdzienyja roznyja prymieški i jod, jakija nie adpaviadajuć patrabavańniam charčovaj pradukcyi.
Anałahičnaja situacyja skłałasia ŭ Tulskaj, Ćviarskoj i Rastoŭskaj abłaściach, a taksama ŭ Maryj-Eł. Pry hetym, jak zajavili ŭ X5 Retail Group, listy Rasspažyŭnahladu nasili rekamiendacyjny charaktar. Tak 50% soli X5 Retail Group pastaŭlaje «Mazyrsol», jaje pradukcyja pradajecca va ŭsich mahazinach.
U svaju čarhu, u Metro paviedamili, što paśla zvarotu čynoŭnikaŭ pradukcyja była vyklučanaja z prodažu.
Na fiederalnym uzroŭni rekamiendacyj admovicca ad ukrainskaj i biełaruskaj soli pakul nie pastupała, padkreślivajuć u handlovych sietkach. U Rasspažyŭnahladzie adznačyli, što kantrol jakaści praduktaŭ viadziecca ŭ pastajannym režymie, i pretenzii da jakaści soli šerahu vytvorcaŭ ŭźnikali ŭ słužby i raniej, pry hetym dadatkovyja abmiežavańni pa jaje realizacyi nie ŭvodzilisia.
Pa dadzienych asacyjacyi Ruspradsajuz za pieršaje paŭhodździe 2014 hoda, rynak soli na 59% składajecca ź impartnaj pradukcyi, ź ich 56% prypadaje na vytvorcaŭ, da jakich paŭstali pretenzii (29,5% prychodzicca na Biełaruś).
Pry hetym jašče ŭ listapadzie 2014 Minsielhas RF fiksavaŭ niedachop soli ŭ Rasii z-za spadu jaje pastavak z Ukrainy.
Anałahičnaja situacyja skłałasia ŭ 2006 hodzie. Tady na fonie čutak ab spynieńni pastavak ukrainskaj soli ceny na jaje ŭźlacieli ŭ dziesiać razoŭ.
U toj ža čas u Ruspradsajuzie zapeŭnivajuć, što ciapier mahčymaść zamieny impartnaj pradukcyi jość.
