U daśledavańni, što ciahnułasia 14 hod, uziali ŭdzieł bolš za 5 tysiač čałaviek uzrostam ad 52 da 84 hod roznych koleraŭ skury, što žyli ŭ roznych štatach ZŠA.
Jak vyśvietliłasia pa vynikach daśledavańnia, ludzi aptymistyčnych nastrojaŭ majuć u dva razy mieniej ryzykaŭ zachvorvańniaŭ sardečna-sasudzistaj sistemy.
Navukoŭcy adsočvali arteryjalny cisk, indeks masy cieła, uzrovień cukru i chalesterynu, a taksama ich dyjety, fizičnuju aktyŭnaść i častatu paleńnia. Kožnamu z hetych pakaźnikaŭ nadavaŭsia bał ad 0 da 2. Kožny dadatkovy bał źmianšaje ryzyku sardečna-sasudzistych zachvorvańniaŭ na 8%. Najlepšyja bały mieli aptymisty, dla piesimistaŭ prahnozy pa sardečna-sasudzistych zachvorvańniach bolej piesimistyčnyja.
Dla asobnaha čałavieka pieramiena nastroju naŭrad ci pryniasie palapšeńnie stanu zdaroŭja, ale ŭ miežach papulacyi vynik zaŭvažny. Navukoŭcy spadziajucca na mierapryjemstvy pa padvyšeńni ahulnaha ŭzroŭniu aptymizmu.
