Šenhienskaja zona |
Vacłaŭ Havał, Lech Vałensa j Alaksandar Kvaśnieŭski zaklikali źmienšyć canu šenhienskaj vizy dla hramadzianaŭ Biełarusi z 60 da 35 eŭra. U polska‑českim zvarocie havorycca, što svaboda pierasiačeńnia miažy dapamoža biełarusam u demakratyzacyi krainy.
Palityki padkreślili, što Eŭraźviaz z adnaho boku deklaruje padtrymku biełaruskaj hramadzkaści ŭ jaje demakratyčnych pamknieńniach, a z druhoha ŭskładniaje biełarusam svabodnaje pieramiaščeńnie pa Eŭropie.
Vacłaŭ Havał, Lech Vałensa j Alaksandar Kvaśnieŭski zaznačyli, što na pačatku 90‑ch hadoŭ palohki ŭ pierasiačeńni miežaŭ dapamahli Polščy, Čechii j Vuhorščynie pravieści stanoŭčyja pieramieny.