Rasijski hazavy hihant «Hazprom» maje namier pieranakiravać tranzit hazu praz Ukrainu ŭ Turcyju z dapamohaj novaha hazapravoda, jaki płanujecca pabudavać zamiest «Paŭdniovaha patoku».
utg.ua
Pra heta siońnia zajaviŭ namieśnik staršyni Jeŭrakamisii pa enierhietyčnych sajuzu Maraš Šefčavič pa vynikach sustrečy z kiraŭnikom «Hazproma» Alaksiejem Mileram.
«U mianie była sustreča sa staršynioj praŭleńnia «Hazproma» spadarom Mileram. Na hetaj sustrečy ja padzialiŭsia ź im tymi płanami, jakija isnujuć u Jeŭrapiejskaj kamisii pa stvareńni Enierhietyčnaha sajuza. I jon u svaju čarhu paviedamiŭ ab płanach «Hazproma» pieranieści transparciroŭku hazu, jaki ciapier idzie praz Ukrainu pa novym, budučym trubapravodzie, jaki pojdzie praz Turcyju. Ščyra kažučy, dla nas heta było vialikaj navinoj», — skazaŭ jon.
Šefčavič padkreśliŭ, što ŭ kantraktach pamiž «Hazpromam» i jeŭrapiejskimi spažyŭcami, jakija atrymlivajuć rasijski haz praz terytoryju Ukrainy, «zaŭsiody pakazana miesca dastaŭki hazu, i časta heta nie miaža pamiž Turcyjaj i Hrecyjaj».
U svaju čarhu, ministr enierhietyki RF Alaksandr Novak adznačyŭ: «Nakont pieranosu abjomaŭ hazu pa maršrutach i budaŭnictvie novaj struktury, to tut havorka idzie tolki tolki ab tym, što my dyviersifikujem i zdymajem ryzyki nienadziejnych krain, z-za jakich u apošnija hady ŭźnikajuć prablemy, u tym liku i pa pastaŭkach hazu spažyŭcam jeŭrapiejskim».
Jon dadaŭ, što rašeńnie ab budaŭnictvie hazapravoda ŭ Turcyju pryniata, i «pracy ŭžo viaducca».
