 |
Dadatkovyja źviestki pra žyćcio Radziviłaŭ byli sabranyja ŭ 2007 hodzie ŭ časie realizacyi priektu pa składańni bazy histaryčnych źviestak pra Niaśviski zamak. Pra heta karespandentu BIEŁTA paviedamiŭ kiraŭnik prajektu, staršy navukovy supracoŭnik Istyutu historyi Nacyjanalnaj akademii navuk Andrej Miacielski.
Letaś ciaham druhoha paŭhodździa navukoŭcy instytutu pravodzili pošukavyja pracy pa vyjaŭleńni padziemnych chadoŭ i kamunikacyj, apisanych u dakumentach pra Niaśviski zamak
. U adnym z chadoŭ znojdzienyja reštki ŭnikalnaj staradaŭniaj zbroi, a taksama jadry j harmaty. Ich pieradali ŭ muzei.
Akramia taho, u časie raskopak specyjalisty Instytutu historyi znajšli reštki stajni Radziviłaŭ, a taksama pryładaŭ pracy j kieramiki.
Andrej Miacielski raskazaŭ, što adzin z ačyščanych lochaŭ budzie ŭklučany ŭ turystyčnyja maršruty pa Niaśvižy.
«Hety chod vyvodzić naviednikaŭ z zamku na bajavuju placoŭku», — dadaŭ jon.
U planach specyjalistaŭ — pravieści archiealahičnyja daśledavańni parku «Alba» — letniaj rezydencyi Radziviłaŭ. Prajekt pa składańni bazy histaryčnych źviestak pra Niaśviž zavieršycca sioleta pry kancy hodu.
