Hamialčuk pradjaviŭ na pracy padrobleny listok niepracazdolnaści, jaki spampavaŭ ź internetu. Pa dadzienym fakcie raspačataja kryminalnaja sprava, paviedamili ŭ pres-słužbie UUS Homielskaha abłvykankama.
Pavodle papiaredniaj infarmacyi, 18-hadovy chłopiec prynios u adździeł kadraŭ pradpryjemstva, dzie pracuje, balničny, jaki śviedčyć pra toje, što jon znachodziŭsia na biuleteni. Adnak pracaŭnica kadravaj słužby zasumniavałasia ŭ sapraŭdnaści dakumienta. Paśla źvierki ź miedycynskaj ustanovaj vyśvietliłasia, što małady čałaviek prynios padrobleny listok niepracazdolnaści. Pavodle jaho słoŭ, dakumient jon spampavaŭ ź internetu.
Kryminalnaja sprava raspačataja pa artykule 380 Kryminalnaha kodeksa «Padrobka, vyrab, vykarystańnie albo zbyt padroblenych dakumientaŭ, štampaŭ, piačatak, błankaŭ». Jaho rasśleduje Homielski haradski adździeł Śledčaha kamiteta.
