Kiraŭnictva amierykanskaj telesietki Fox viadzie pieramovy sa stvaralnikami sieryjała «Sakretnyja materyjały» pra jaho adradžeńnie, paviedamlaje Daily Mail.
Na hałoŭnyja roli płanujecca pryciahnuć akcioraŭ aryhinalnaha prajekta - Devida Duchoŭnaha i Džylijan Andersan. Inšych detalaŭ nie pryvodzicca.
Jak miarkuje vydańnie, asnoŭnym ciažkaściu dla pracy nad novym sieryjałam moža stać zaniataść akcioraŭ u inšych prajektach. U pryvatnaści, Duchoŭny zaraz zdymajecca ŭ šmatsieryjnym telešoŭ «Vadalej», a Andersan praciahvaje ŭdzielničać u zdymkach sieryjała «Hanibał».
Taksama aktrysa adznačyła, što sumniavajecca ŭ svaim udziele ŭ prajekcie Fox. «Ja žyvu ŭ Łondanie. U mianie troje dziaciej, a heta surjoznaja prapanova. Zdymki buduć doŭžycca značna daŭžej, čym u vypadku sa zvyčajnym filmam. Mnie treba padumać pra heta», - pryvodzić jaje słovy Daily Mail.
Sieryjał «Sakretnyja materyjały», stvorany Krysam Karteram, uvachodzić u lik najbolš paśpiachovych televizijnych prajektaŭ za ŭsiu historyju industryi.
Pa siužecie, dva ahienty FBR — Foks Małder i Dana Skali — sprabujuć praniknuć u tajamnicy uradavaj arhanizacyi, jakaja chavaje ad čałaviectva infarmacyju ab kantaktach ź inšapłaniecianami.
Pieršy epizod sieryjała źjaviŭsia na ekranach u 1993 hodzie.
