Novyja praviły impartu aŭtamabilaŭ z krain JEAES mohuć być adkarektavanyja z-za taho, što bieśpieraškodny ŭvoz mašyn, ruchaviki jakich nie adpaviadajuć standartu Jeŭra-4, supiarečyć kazachstanskamu zakanadaŭstvu.
Ministerstva pa inviestycyjach i raźvićci Kazachstana napiaredadni vykazała ŭłasnuju pazicyju z hetaj nahody, jakaja prykmietna adroźnivajecca ad ahučanaj raniej Kamitetam administracyjnaj palicyi MUS Kazachstana.
U pres-relizie viedamstva skazana, što «pry afarmleńni paśviedčańnia budzie pravodzicca pravierka vykanańnia patrabavańniaŭ pa biaśpiecy transpartnaha srodku, u tym liku da vykidaŭ. Nieadpaviednaść aŭtamabila ekałahičnamu kłasu 4 (Jeŭra-4) moža stać padstavaj dla admovy ŭ dziaržaŭnaj rehistracyi transpartnaha srodku».
Pry hetym čynoŭniki apielujuć da Zakona «Ab darožnym ruchu» i Techničnaha rehłamienta Mytnaha sajuza. Razam z tym tydzień tamu paviedamlałasia, što z 1 studzienia ŭ Kazachstanie źniaty abmiežavańni pa hadach vypusku i adpaviednaści ekałahičnym normam Jeŭra-4 dla aŭtamabilaŭ, jakija ŭvoziacca z terytoryi krain JEAES — Rasii i Biełarusi.
Pradstaŭniki Ministerstva pa inviestycyjach i raźvićci i Kamitet administracyjnaj palicyi paabiacali zładzić bryfinh, na jakim rasstaviać usie kropki nad «i».
U Ministerstvie industryi i handlu taksama paraili nie nabyvać za miažoj mašyny, jakija nie adpaviadajuć standartu Jeŭra-4. Pa słovach ekśpiertaŭ, nacyjanalnaje zakanadaŭstva i techničnyja rehłamienty nichto pakul nie admianiaŭ, i jak tolki čynoŭniki zavieršać praceduru ŭzhadnieńnia ŭsich narmatyŭnych aktaŭ paśla ŭstupleńnia ŭ JEAES, ščyliny dla pradprymalnych hramadzian abaviazkova likvidujuć.
