svaboda.org
Siońnia viečaram, 20 studzienia, paśla ciažkaj chvaroby na 86-m hodzie žyćcia pamior doktar histaryčnych navuk, prafiesar Anatol Hryckievič.
Pra heta paviedamili «Našaj Nivie» siabry historyka.
Anatol Piatrovič Hryckievič naradziŭsia 31 studzienia 1929 h. u Minsku. U 1950 skončyŭ Minski miedycynski instytut, u 1955 — Minski instytut zamiežnych movaŭ, a ŭ 1958 — BDU, niejki čas pracavaŭ doktaram. A z 1959 — u Instytucie historyi AN Biełarusi, z 1975 — zahadčyk kafiedry Minskaha instytuta kultury (z 1993 — Biełaruskaha dziaržaŭnaha ŭniviersiteta kultury), u 2001—2005 hh. byŭ prezidentam MHA Zhurtavańnie biełarusaŭ śvietu «Baćkaŭščyna», paśla hanarovym staršyniom «Baćkaŭščyny».
Daśledavaŭ historyju Biełarusi pieryjadu fieadalizmu, histaryjahrafiju, relihijnyja prablemy ŭ VKŁ, stanovišča pravasłaŭnaj, unijackaj carkvy, historyju Biełarusi 1917—1920 hh., Słucki zbrojny čyn.
U 2013 h. vyjšła jaho kniha «Vybranaje» ŭ «Knihazbory», a ŭvosień 2014-ha «Ściahi Oršy», pryśviečanaja 500-hodździu bitvy pad Oršaj.