Premjer-ministr Ukrainy Arsienij Jacaniuk paviedamiŭ ab płanach pavialičyć kolkaść asabovaha składu armii krainy sa 184 tysiač čałaviek da 250 tysiač.
«Urad Ukrainy ŭnosić u parłamient zakon ab pavieličeńni ahulnaj kolkaści Uzbrojenych sił Ukrainy. My prapanujem ŭstanavić kolkaść Uzbrojenych sił ŭ 250 tysiač čałaviek, heta pavieličeńnie na 66 tysiač čałaviek», — zajaviŭ Jacaniuk na pasiadžeńni ŭrada ŭ sieradu.
Premjer udakładniŭ, što paśla pryniaćcia zakona ŭłasna vajskoŭcaŭ u armii budzie 204 tysiačy čałaviek, i dadaŭ, što ličyć hetu inicyjatyvaj vielmi važnaj i prosić Viarchoŭnuju Radu razhledzieć adpaviedny zakonaprajekt na pieršym ža plenarnym pasiadžeńni.
0
0
0
0
0
0
