U adpaviednaści z punktam 11 artykuła 84 Kanstytucyi Respubliki Biełaruś kiraŭnik dziaržavy Alaksandr Łukašenka svaim ukazam pastanaviŭ vyzvalić Ryhora Vasileviča ad pasady staršyni i sudździ Kanstytucyjnaha Suda Respubliki Biełaruś u suviazi z zaviaršeńniem terminu paŭnamoctvaŭ i vychadam u adstaŭku z dalejšym infarmavańniem ab jaho vyzvaleńni Savieta Respubliki Nacyjanalnaha schodu Respubliki Biełaruś.
Ab hetym BIEŁTA paviedamili ŭ pres‑słužbie prezidenta.
Vasileviču ŭsiaho 52 hady. Staršyniom Kanstytucyjnaha sudu jaho pryznačyŭ A. Łukašenka ŭ 1996 hodzie. Da taho jon byŭ adzinym z sudździaŭ taho składu sudu, jaki byŭ sfarmavany kanstytucyjnym šlacham u 1994 hodzie, jaki pa ŭsich pytańniach padtrymlivaŭ pazycyju A. Łukašenki.
Paśla 1996 hodu rola Kanstytucyjnaha sudu była źviedzienaja da farmalnaje. Usich sudździaŭ pryznačaje i zdymaje sam A. Łukašenka. Sam Vasilevič, adnak, vyjaŭlaŭ peŭnyja ambicyi. U pryvatnaści, jon sprabavaŭ stać členam-karespandentam Akademii navuk, ale akademiki jaho zabalatavali, paličyŭšy, vidać, jahony ŭniosak u biełaruskuju navuku jašče mienšym za ŭkład Michaiła Miaśnikoviča.
Chadzili čutki, što na pasadu staršyni Kanstytucyjnaha sudu maje pierasieści Natalla Piatkievič. Sama jana, adnak, tyja čutki sprastavała.
Hetaja pasada klučavaja ŭ pravavych demakratyčnych dziaržavach, dzie členy sudu nie zaležać ad vykanaŭčaj i zakanadaŭčaj halinaŭ ułady i abirajucca dziela taho, zvyčajna, na doŭhi termin biez mahčymaści adklikańnia. Adnak u biełaruskaj madeli joj advodzicca dekaratyŭnaja funkcyja. Pierachod na jaje takoje klučavoje asoby, jak Natalla Piatkievič, moh by aznačać ci jaje apału, ci pavyšeńni roli sudu ŭ systemie.
Ryhor Vasilevič apošni raz vyklikaŭ vialiki rozhałas, vystupiŭšy na abaronu biełaruskaj movy i pravoŭ biełaruskamoŭnych.