Situacyja ŭ zonie kanfliktu va Uschodniaj Ukrainie zastajecca napružanaj.
Prarasijskija bajeviki zachapili pasiołak Čyrvony Partyzan u Danieckaj vobłaści. Pra heta napisaŭ na svajoj staroncy ŭ Fejsbuku kaardynatar hrupy «Infarmacyjny supraciŭ» Dźmitryj Tymčuk. Pavodle jaho słoŭ, situacyja ŭ zonie kanfliktu praciahvaje zastavacca napružanaj. Paśla niaŭdałych šturmaŭ i strat na ŭčastku Krasnahoraŭka - Aŭdziejeŭka sieparatysty pačali nastupać z poŭnačy hetaha ŭčastka. U vyniku jany prasunulisia napierad i ŭziali pasiołak Čyrvony Partyzan ŭ Jasinavackim rajonie.
Adnačasova prarasijskija bajeviki ściahvajuć siły ŭ rajonie Jasinavataj. Siudy prybyła taktyčnaja hrupa rasijskich vojskaŭ. U składzie taktyčnaj hrupy - da 25 bajavych mašyn, pieradaje UNIAN.
