Abvastreńnie kanfliktu ŭ Danbasie niepaźbiežna pryviadzie da dalejšaha surjoznaha paharšeńnia adnosin pamiž Jeŭrapiejskim sajuzam i Rasijaj.
Pra heta havorycca ŭ zajavie viarchoŭnaha pradstaŭnika Jeŭrapiejskaha sajuza pa zamiežnych spravach i palitycy Fiederyki Mahieryni.
«Ja zaklikaju Rasiju vykarystoŭvać svoj značny ŭpłyŭ na sieparatysckich lidaraŭ i spynić ich vajskovuju, palityčnuju ci finansavuju padtrymku. Heta dazvolić praduchilić katastrafičnyja nastupstvy dla ŭsich. Tyja, chto niasie adkaznaść za eskałacyju, pavinny spynić varožyja dziejańni i vykonvać svaje abaviazacielstvy», - havorycca ŭ zajavie.
Mahieryni zajaviła, što siońnia Maryupal byŭ abstralany z terytoryi, kantralavanaj bajevikami, u vyniku čaho zahinuli i byli paranienyja dziasiatki mirnych žycharoŭ.
«Heta adbyłosia paśla sieryi napadaŭ u Danbasie ŭ apošnija niekalki dzion, jakija supravadžalisia zajavami pra dalejšy nastup sił sieparatystaŭ, padtrymanych Rasiejaj, jakija naŭprost admaŭlajucca vykonvać režym spynieńnia ahniu», - dadała jana.
Jak paviedamlałasia, pradstaŭnik Ukrainy pry ES, pasoł Kanstancin Jelisiejeŭ zaklikaŭ Brusel sklikać nadzvyčajnyja pasiadžeńni Rady ES i Kamiteta pa zamiežnych spravach Jeŭraparłamienta.