Elektronnyja tabło z raskładam hartranspartu ŭstanoviać u biahučym hodzie na 20 minskich prypynkach. Ab hetym paviedamiŭ na apieratyŭnaj naradzie ŭ Minharvykankamie dyrektar dziaržaŭnaj ustanovy «Staličny transpart i suviaź» Valeryj Škurataŭ.
«Na siońnia elektronnym tabło z raskładam hramadskaha transpartu abstalavany 20 prypynačnych punktaŭ stalicy. U biahučym hodzie interaktyŭnyja ekrany płanujecca ŭstanavić jašče na 20 prypynkach», — skazaŭ Valeryj Škurataŭ.
U Minsku praviali abśledavańnie ŭsich 1946 prypynačnych punktaŭ. Vyjaŭleny niedachopy va ŭtrymańni abo ŭkamplektavańni 121 prypynku. Tak, na 19 punktach adsutničajuć łaŭki dla siadzieńnia, na 20 — urny dla śmiećcia, 49 prypynkaŭ nie abstalavany paviljonami, 42 punkty znachodzilisia ŭ niezdavalniajučym sanitarnym stanie. Najbolšaja kolkaść parušeńniaŭ vyjaŭlena ŭ Savieckim, Leninskim i Maskoŭskim rajonach horada.
