Pavodle jaho słoŭ, 10 studzienia ŭ Mazyry kampanija maładych ludziej baviła volny čas za raśpićciem śpirtnych napojaŭ. «U niejki momant pamiž znajomymi ŭźnikła svarka, — skazaŭ U.Pietrančuk. — Dvaccacihadovy raniej sudzimy chłopiec vyrašyŭ, što najlepšy sposab dakazać, što jon maje racyju, — heta hrubaja fizičnaja siła. Jon schapiŭ nož i nanios im udar u žyvot svajmu tavaryšu. A druhomu jon sprabavaŭ nanieści ŭdary nažom u vobłaść žyćciova važnych orhanaŭ. Ale paciarpieły jak srodak abarony vykarystaŭ miakkuju cacku, što vyratavała jamu žyćcio. Usie nažavyja ranieńni dastalisia cacačnamu dałmacinu».
10 studzienia ŭ dačynieńni da złačynca była raspačata sprava za naniasieńnie ciažkich cialesnych paškodžańniaŭ (artykuł 147 Kryminalnaha kodeksa). 12 studzienia prakuratura raspačała spravu na padstavie artykuła 139 KK (zamach na zabojstva). Hety artykuł praduhledžvaje pakarańnie ŭ vyhladzie pazbaŭleńnia voli ad 6 da 15 hadoŭ. Ciapier padazrony zatrymany i znachodzicca pad aryštam.
