Haračyja pačućci dvuch žycharoŭ Karelickaha rajona da adnoj i toj ža pradstaŭnicy słabaha połu skončylisia tym, što vyśvietlić adnosiny chłopcy vyrašyli pry dapamozie siły.
Jak paviedamlaje pres-słužba Haradzienskaha UUS, adzin z «duelantaŭ» raniej žyŭ razam ź dziaŭčynaj u jaje doma. Jon nie zmoh užycca z maci dziaŭčyny i źjechaŭ, ale pa-raniejšamu padtrymlivaŭ adnosiny sa svajoj kachanaj.
Adnak u dziaŭčyny źjaviŭsia jašče adzin prychilnik. Paśla niekalkich hutarak pa telefonie maładyja ludzi damovilisia ab sustrečy. Spačatku jany vypili i pamirylisia, ale ŭ kancy pjanki ŭsio ž vyrašyli zładzić bojku ŭ farmacie «sam-nasam». Damovilisia, što toj, chto prajhraje, nie budzie pieraškadžać pieramožcu ŭ jaho ramantyčnych stasunkach.
U vyniku, «pretendent» źbiŭ svajho apanienta tak, što chłopiec trapiŭ u reanimacyju ź ciažkimi cialesnymi paškodžańniami. Pry hetym jon tak i nie paviedamiŭ, chto jaho źbiŭ. Vyjaŭlać asobu padazravanaha pryjšłosia apieratyŭnym šlacham. U dačynieńni da jaho raspačataja kryminalnaja sprava pa č.1 st.147 KK RB «Naŭmysnaje pryčynieńnie ciažkaha cialesnaha paškodžańnia».
