Sa startam filma pra Styva Džobsa studyi Universal staŭ viadomy aktorski skład, ale nie nazva filma.
Majkł Faśbiender i Styŭ Džobs. Fota: moviepilot.com/CNET
Hałoŭnuju rolu vykanaje Majkł Faśbiender, viadomy pa rolach maładoha Mahneta ŭ «Ludzi Iks: Pieršy kłas», Arčy Chikaksa ŭ «Biassłaŭnych ubludkach», Edvina ŭ «12 hod rabstva» i androjda Devida ŭ «Pramietei».
Set Rohier i Styŭ Voźniak. Fota: shalomlife.com/heinzawards.net
Cikava budzie pahladzieć na kamiedyjanta Seta Rohiena, stvaralnika i vykanaŭca adnoj z hałoŭnych rolaŭ u «Intervju», ŭ roli «Voza», słavutaha inžyniera-vynachodnika, suzasnavalnika Apple i stvaralnika jaje pieršych kampjutaraŭ Apple I i Apple II.
Inšyja roli vykanajuć Kiejt Uinślet, Džef Deniełs, Ketryn Uotersan i Majkł Štulbarh.
Režysioram fiłma stanie Deni Bojł («Na ihle», «Plaž», «Miljanier z truščob»). Aŭtar scenaru — Aran Sorkin, uładalnik «Oskara» i «Załatoha hłobusa» za «Sacyjalnuju sietku», što taksama raspaviadała historyju IT-pradprymalnika, stvaralnika Facebook Marka Cukierbierha.
Film raspaviadzie pra try klučavyja vystupy Džobsa: prezientacyi kampjutaraŭ Macintosh, NEXT Cube i Apple iMac. Pry napisańni scenara Sorkina kansultavała dačka Styva Džobsa.
Na rolu Styva Džobsa razhladalisia šmatlikija aktory. Leanarda Dy Kapryjo i Krystyjan Bejł admovilisia ad prapanoŭ, taksama ŭ jakaści kandydataŭ nazyvalisia Ben Aflek, Bredli Kupier i Met Dejman. Rolu ŭ papiarednim filmie pra zasnavalnika Apple, «Džobs: Impieryja spakusy», vykanaŭ Eštan Kutčer.
