Rasija ŭ vypadku nieabchodnaści razhledzić mahčymaść vydzialeńnia finansavaj dapamohi Biełarusi.
Ab hetym zajaviŭ ministr finansaŭ RF Anton Siłuanaŭ.»U vypadku krajniaj nieabchodnaści my hatovy razhledzieć ich prośbu ab dapamozie», — pryvodzić ahienctva TASS słovy Siłuanava, skazanyja ŭ interv`iu amierykanskaj telekampanii CNBC.
Pry hetym Siłuanaŭ dadaŭ, što ekanomika Biełarusi «ciesna źviazana» z rasijskaj.
«Ciapier my vyvučajem situacyju razam z našymi biełaruskimi kalehami. My analizujem usie faktary, jakija akazvajuć uździejańnie na ekanamičnuju situacyju ŭ abiedźviuch krainach, u pryvatnaści sankcyi i padzieńnie cen na naftu. Ciapier my viadziem pieramovy», — adznačyŭ Siłuanaŭ.
Nahadajem, ab mahčymaj finansavaj dapamozie Biełarusi z boku Rasijskaj Fiederacyi zajaviŭ 29 studzienia na pres-kanfierencyi ŭ Minsku Alaksandr Łukašenka.
Adkazvajučy na pytańnie ab hetym, jon, u pryvatnaści, skazaŭ: «Nam nie chaciełasia b bolš brać kredytaŭ. Ale ja maju ćviordyja damoŭlenaści z prezidentam i prem`ier-ministram: kali nam budzie ciažka, vielmi budzie ciažka — Rasija plačo padstavić. Ja pracytavaŭ Pucina».
Dapamoža Rasija, pavodle słoŭ Łukašenki, «nie tamu, što my nachlebniki, a tamu, što, davajcie ščyra kazać, naša ekanomika — častka rasijskaj ekanomiki». «My spažyvajem u ich vielizarnuju kolkaść resursaŭ, kuplajem na 30 miljardaŭ dołaraŭ pa imparcie ŭ tavaraabarocie… My kuplajem u ich kamplektujučyja, dajem im pracu, stvarajem hatovy pradukt i pałovu pradajem u Rasijskaj Fiederacyi. Heta vyhadna dla Rasii? Vyhadna. Tamu nikudy nie dzieniešsia — treba padtrymać, kali heta budzie nieabchodna. Ale mnie nie chaciełasia b zakredytoŭvacca i dalej».
Łukašenka raskazaŭ ab mahčymaści atrymańnia čaćviortaha tranša kredytu Antykryzisnaha fondu JeŭrAzES i ab tym, što «miljonaŭ 500 Rasija nam dakładna paabiacała ŭ minułym hodzie, što jany ź biudžetu mohuć vydzielić».
Kiraŭnik dziaržavy adznačyŭ, što Biełaruś čakaje niaprosty hod, u tym liku ŭ płanie pahašeńnia daŭhoŭ. U 2015 hodzie dziaržavie pryjdziecca pahasić kala 4 młrd. dołaraŭ ZŠA pa źniešnim doŭhu. Razam z tym Łukašenka ŭpeŭnieny ŭ zdolnaści krainy poŭnaściu raźličycca pa daŭhach.
