AAT «Minskmietraprajekt» u 2008 hodzie pačnie padrychtoŭku pieradprajektnaj dakumientacyi na budaŭnictva 3‑j linii Minskaha mietrapalitena, paviedamiŭ karespandentu BIEŁTA hałoŭny inžynier hetaj arhanizacyi Viktar Pališčuk.
Treciaja linija budzie składacca z 14 stancyj ahulnaj praciahłaściu 17,2 km. Jana złučyć paŭdniovyja i paŭnočnyja žyłyja masivy horada z centram. U pryvatnasci, linija projdzie ź Zialonaha Łuha da Kurasoŭščyny. Jaje šlach pralaža pa vulicach Bahdanoviča, praśpiekcie Mašerava, praśpiekcie Pieramožcaŭ, vulicach Mielnikajte, Kłary Cetkin, kala čyhunačnaha vakzała, pa vulicach Aeradromnaj, Karžanieŭskaha. Treciaja linija pierasiače dźvie isnujučyja: na pieršuju liniju pierasadka budzie ažyćciaŭlacca na stancyi «Płošča Lenina», na druhuju — na «Frunzienskaj».
Da 2017 hoda namiečana ŭviesci ŭ ekspłuatacyju ŭčastak ź piaćciu stancyjami — ad «Jubilejnaj» (u rajonie vulicy Mielnikajte) da «Aeradromnaj» (kala budučaha dziełavoha centra «Minsk‑Sici») daŭžynioj 5,5 km.
Da 2019 hoda — učastak ad «Jubilejnaj» da «Vulica Maksima Bahdanoviča» (3 stancyi, 3,3 km), a
da 2024 hoda — ad «Aeradromnaj» da stancyi «Kurasoŭščyna» (z elektradepo i 2 stancyjami praciahłaściu 2,8 km).
Ciapier viadziecca budaŭnictva troch stancyj pieršaj linii ad «Instytuta kultury» da stancyi «Piatroŭščyka» ŭ bok Paŭdniovaha Zachadu ahulnaj praciahłaściu 5,5 km. Uviesci ŭ ekspłuatacyju hety ŭčastak zapłanavana da 2011 hoda.
U bolš addalenaj pierśpiektyvie — prakładka 4‑j linii mietro. Jana paŭkolcam projdzie pa paŭnočnaj častcy Minska praz pramysłovuju zonu ŭzdoŭž vulicy Daŭhabrodskaj da mikrarajona Čyžoŭka. Udoŭžki hety maršrut zojmie 18,8 km i budzie naličvać 13 stancyj.
Ciapier ekspłuatacyjnaja daŭžynia linij Minskaha mietrapalitena ŭ dvuchputnym vyličenni składaje 30,3 km z 25 stancyjami i pierasadačnym vuzłom. Ruchomy sastaŭ mietrapalitena naličvaje 243 vahony.
