Vyjšła z druku kniha Maksima Makarava pad nazvaj «Miesckija ŭłady Połacka (1580—1772 hh.): arhanizacyja, piersanalny skład».
Kniha składajecca z troch asnoŭnych strukturnych častak, jakija ciesna źviazany pamiž saboj.
Pieršaja — heta narys, u jakim razhledžany pytańni arhanizacyi i funkcyjanavańnia miesckich uład Połacka ŭ kancy XVI — treciaj čverci XVIII stst.
Druhaja — tematyčnyja śpisy miesckich uradnikaŭ i dapamožnaha piersanału połackaha mahistrata: «Vojty, łantvojty, namieśniki łantvojtaŭ», «Uradniki mahistrata i mužy hminnyja pa hadach», «Šafary», «Słuhi miesckija, słuhi łantvojtaŭskija, caklary», «Uradniki kancylaryi mahistrata». U hetych śpisach pradstaŭleny piersanalny skład uradnikaŭ pa asobnych halinach ułady ŭ chranałahičnym paradku.
Treciaja strukturnaja častka knihi — «Ałfavitny śpis asob, źviazanych ź dziejnaściu miesckich uład Połacka». U im źmieščany piersanalnyja danyja ŭsich połackich łantvojtaŭ i ich namiestnikaŭ, burmistraŭ, rajcaŭ, łaŭnikaŭ, mužoŭ hminnych, pisaraŭ, padpiskaŭ, šafaraŭ, miesckich i łantvojtaŭskich słuh, caklaroŭ i instyhataraŭ, jakija ŭdałosia sabrać u pracesie daśledavańnia.
Pabačyć poŭny źmiest knihi i daviedacca, jak jaje zamović, možna na sajcie časopisa Arche.
