Mahčyma, heta nie tak kidajecca ŭ vočy, ale apošnimi hadami ŭ Halivudzie modna, kab filmy byli peŭnaj kalarovaj palitry, viadomaj jak «aranžavy i zielenavata-błakitny» albo «burštynavy i zielenavata-błakitny».
U 2013 hodzie błohier Edmund Chielmier pravioŭ analiz trejleraŭ filmaŭ hoda. Vynik vyjšaŭ taki:
Modu na takija kolery možna zaŭvažyć i siarod postaraŭ filmaŭ:
Teoryja pachodžańnia trendu takaja. Bolšaść koleraŭ tvaraŭ znachodzicca pamiž blakła-piersikavym i ciomna-karyčnievym — u siarednim aranžavy. Z takim koleram dobra kantrastuje procilehły sini. «Heta nie abaviazkova pytańnie lanoty, — tłumačyć žurnalist Den Sejtc. Śpiecyjalist pa kolery pavinien apracavać dvuchhadzinny film, časam pakadrava, prykładna za dva tydni. Nie treba zanadta časta źviartać uvahi na dedłajn, jaki navisaje ŭ kalendary, kab plasnuć rukami i skazać: «Dy čort ź im, usie lubiać sini z aranžavym»».
Viadoma, nie ŭsie vykarystoŭvajuć takuju kalarovuju hamu. «Nie isnuje asablivaha pracesu pa vybary kalarovaj palitry, pry jakim my b sieli ŭ pakoi i skazali: «My budziem vykarystoŭvać tolki hetyja dadatkovyja kolery, kab urazić hledača». U kožnaha filma svoj ułasny vyhlad», — śćviardžaje śpiecyjalist pa kolery Stefan, jaki pracavaŭ nad błakbastaram «Transformiery». I praŭda, žudziki čaściej čysta sinija, a postapakaliptyčnyja filmy — blakła-šeryja.
«Transformiery» byli nastolki žoŭta-aranžavymi, što kamanda daśledčykaŭ Masačusetskaha technałahičnaha instytuta stvaryła ałharytm, što moža pierafarbavać u modnuju kalarovuju hamu luby film, choć «Amieli» vanilnych koleraŭ. Ci naadvarot — «Transformiery» ŭ «Amieli».
