Prezident Vieniesueły Nikałas Madura zajaviŭ, što ŭładalniki adnoj ź sietak univiersamaŭ u krainie byli aryštavanyja za toje, što «štučnym čynam stvarali čerhi».
Nazva sietki nie raskryvajecca.
Pa słovach Madury, uładalniki naŭmysna skaracili kolkaść kasiraŭ z tym, kab uźnikli čerhi, dla taho, kab «nasalić vieniesuelskamu narodu».
«Učora my vyjavili, što viadomaja sietka kram plała zmovu, dapiakajučy narodu», — skazaŭ Nikałas Madura.
«My tudy pryjšli, arhanizavali prodaž, vyklikali haspadaroŭ, aryštavali ich, i ciapier jany ŭ źniavoleńni — za toje, što pravakavali narod», — dadaŭ prezident.
Tydzień tamu tysiačy vieniesuelcaŭ pryniali ŭdzieł u maršy pratestu, arhanizavanym apazicyjaj u Karakasie. Pratestoŭcy bili ŭ pustyja rondali, padkreślivajučy tym samym niedachop u kramach tavaraŭ pieršaj nieabchodnaści.
Demanstranty taksama vykazali svaju niezadavolenaść vysokim uzroŭniem inflacyi i złačynnaści, a taksama doŭhimi čerhami.
