«Voś kaštavaŭ, da prykładu, banan dalar, h.zn. raniej heta było 10 tysiač. Ciapier dalar padskočyŭ i banan kaštuje 13—14 tysiač», — skazaŭ A. Łukašenka ŭ čaćvier 29 studzienia na pres-kanfierencyi ŭ Minsku, kamientujučy situacyju ź impartam.
«Ja banany nie ŭžyvaju i mnohija z vas taksama. Pierabjomsia», — dadaŭ jon.
Ale mnohija biełarusy banany lubiać, jaduć i časta ich kuplajuć. Jany i byli ździŭlenyja cenami bananaŭ, ahučanym Łukašenkam: banany tańniej za 20 tysiačaŭ rubloŭ mała dzie znojdzieš!
Karespandent «Našaj Nivy» prajšoŭsia pa minskich kramach i ŭdakładniŭ ceny na hetuju zamorskuju sadavinu. Akazałasia, na viarchach adarvalisia ad žyćcia.
Kolki kaštujuć banany ŭ Minsku, hladzicie ŭ fotahalerei.
Banany ŭ kramie «Akijan».
Univiersam «Załatahorski».
Banany ŭ kramie «Miasnaja dziaržava», što naležyć dziaržaŭnamu miasakambinatu.
U kramie «Torty» AAT «Posttorh» banany kaštujuć 22 700 rubloŭ.
U sietkie kramaŭ «Jeŭraopt» banany najtańniejšyja — usiaho 18 tysiačaŭ. Praŭda, jany drobnieńkija. Adnak da ahučanych na pres-kanfierencyi 14 tysiačaŭ za kiło ŭsio adno nie daciahvaje.
Samyja tannyja banany — na Kamaroŭskim rynku. Ceny ad 18 tysiačaŭ za horšyja da 26 tysiač za najlepšyja. Adnak na «Kamaroŭcy» bananaŭ niašmat.
Kamaroŭski rynak.
Ceny na dobryja banany na Kamaroŭskim rynku dasiahajuć 26 tysiač rubloŭ.
