Biełaruskaja viersija pieśni «Asfalt» stała vynikam supolnaj tvorčaści Uładzimira Puhača i słuchačoŭ kursaŭ.
U abvieščanym napiaredadni konkursie pierakładaŭ «Movy Nanova» paŭdzielničali 25 čałaviek, razam jany dasłali kala 35 staronak tekstaŭ (niekatoryja pierakłali niekalki kampazicyj). Najbolš papularnaj stała novaja pieśnia «Asfalt», jakaja vyjšła niekalki miesiacaŭ tamu — 20 pierakładaŭ.
Fota: Zaryna Kandraćjeva
«U pierakładach šmat vielmi pryhožych słovaŭ i momantaŭ, – raspaviadaje Uładzimir Puhač. Tamu ja vyrašyŭ skampilavać usio lepšaje ŭ adzin tekst. I jašče niešta svajo dadaŭ. Tak i atrymałasia novaja viersija».
***
Pieśnia «Asfalt» – pieršy aficyjny sinhł z novaha alboma, jaki maje vyjści ŭ 2015 hodzie. Akramia jaje novaj viersii, padčas impravizavanaha vystupu prahučali viadomyja biełaruskamoŭnyja pieśni hurta: «Biełaruskaje zołata», «Hladzi», «Žyvi», «Majo sonca».
Bližejšy kancert J:mors adbudziecca 14 lutaha u staličnym Prime Hall sa śpiecyjalnaj prahramaj «Hrenłandyja». U jaje miežach prahučać samyja ramantyčnyja pieśni hurta.
***
ASFALT
Nie možaš adčuć ryfm
Złavić pasprabuj rytm
Z adkrymi voknami
Ja achinaju načny maj
Tak prosta niby ŭ śnie
Hublajučy zor śled
Sprabuj zachapić śviet
Davaj
I dzie ŭ tabie hublajecca asfalt
I znoŭku ŭsmichajucca ŭ ranak
Tvaje niepieramožnyja soncy
I jak viarnucca ŭ heta
Ja nie ŭmieju žyć apantana
Hladžu, jak nabližajecca leta bieź ciabie
Pakliča kudy doždž
Z majej pałasy ŭ noč
Mnie ŭsie adno za taboj
Łunać i trymacca tvaich zhraj
I zołak pačaŭ ledź
Piaščotnym ciapłom hreć
Aziabłyja ruki
Kranaj
I dzie ŭ tabie hublajecca asfalt
I znoŭku ŭsmichajucca ŭ ranak
Tvaje niepieramožnyja soncy
I jak viarnucca ŭ heta
I nieŭzabavie pišucca piesni
A ź vieršaŭ vyłučajucca listy
I tak biaskonca
Hladzicie taksama: Trubetskoy prezientavaŭ novuju pieśniu na vierš Maksima Bahdanoviča
