Siońnia, 17 studzienia, a 17-j u biblijatecy imia Puškina (vuł. Hikały, 4) pačniecca prezentacyja knihi Artura Klinava «Małaja padarožnaja knižka pa Horadzie Sonca». U prezentacyi voźmuć udzieł Valancin Akudovič, Uładzimier Arłoŭ, Adam Hlobus dy inšyja viadomyja dziejačy biełaruskaj kultury.
Aŭtabijahrafičny raman Artura Klinava — kultavaj postaci eŭrapiejskaha mastackaha andehraŭndu — napisany jak padarožnaja kniha pa Miensku i źmiaščaje aryhinalnyja fotazdymki. Heta hłyboki filazofski i stylova vytančany tekst, dzie asabistaja historyja hieroja arhanična ŭplecienaja ŭ minułaje i ciapierašniaje horadu. Pa prakładzienym Klinavym maršrucie, jak pa dublinskich maršrutach Džojsa i Vieniečki Jerafiejeva ŭ Maskvie, u Miensku možna vadzić z ekskursijami turystaŭ.