Za nazvaj Cicada 3301 staić nieviadomaja arhanizacyja, što ładziła konkursy dla amataraŭ kryptahrafii try hady zapar — 5 studzienia 2012, 2013 i 2014 hh. U studzieni 2015 hoda novy konkurs nie adbyŭsia.
U studzieni 2012 hoda pieršaje zadańnie Cicada 3301 znajšli na imidžbordzie 4chan. Tekst, napisany biełym pa čornym, kazaŭ: «U hetaj vyjavie schavanaje pasłańnie. Znajdzicie jaho, i jano pryviadzie vas da nas».
Kali adkryć aryhinalny fajł u tekstavym redaktary, u im možna znajści radok: «TIBERIVS CLAVDIVS CAESAR kaža lxxt>33m2mqkyv2gsq3q=w]O2ntk». Imia rymskaha impieratara, jak vyjaviłasia, było namiokam na staražytnarymskaje šyfravańnie, a kod davaŭ spasyłku na nastupnuju vyjavu.
Jana taksama mieła zakadavanaje pasłańnie. Kali raskryć jaho, možna trapić da dalejšych zahadak. U vyniku amatary kryptahrafii dabralisia da telefonnaha numaru. Pry telefanavańni hołas kazaŭ, jak dabracca da inetrnet-staronki z nastupnymi instrukcyjami.
Stała zrazumieła: za arhanizacyjaj staić nie adzin čałaviek. Sajt davaŭ kaardynaty miescaŭ ad Varšavy da Łos-Andželesa. Na paznačanych miescach byli znojdzienyja postary z QR-kodam, jaki vioŭ da nastupnych kvestaŭ.
Za razhadku šyfraŭ Cicada 3301 nie prapanoŭvałasia nijakich uznaharod. Arhanizatary paviedamlali, što konkurs pravodzicca dla adboru «vysokaintelektualnych asob», jakija nadalej zmohuć dałučycca da arhanizacyi.
Kažuć ab 20 pieramožcach. Tolki adzin pieramožca nazvaŭ svajo imia: 15-hadovy Majkł Uoren ź Virdžynii.
Takija sieryi zahadak paŭtarylisia jašče dva razy. I ni razu nie stała viadomaja meta arhanizataraŭ albo ich naležnaść da ŭradu albo chakierskich hrupovak.
U zahadka utrymlivalisia adsyłki da mastackaj litaratury, karcin i muzyki, fiłasofskich kancepcyj ad Junha i Nicše da dzen-budyzmu i kabały.
Adna z teoryj hruntavałasia na tym, što mnohija telefonnyja numary mieli kody horada Dałasa (dzie zabili Kienedzi), — značyć, heta FBR, CRU ci naadvarot brytanskija śpiecsłužby. Inšaja teoryja źviazvała Cicada 3301 z chakierskimi hrupoŭkami, ale hetuju teoryju abvierhnuŭ Uoren.
Pradstaŭniki Cicada 3301 zajaŭlali, što za hałoŭnuju metu majuć prasoŭvańnie pryncypaŭ svabody infarmacyi i prava niedatykalnaści pryvatnaha žyćcia.
Pa słovach Uorana, «Cykada» pazicyjanujecca jak hrupa, što maje ŭpłyŭ na roznyja arhanizacyi pa ŭsim śviecie i vykarystoŭvaje svaje suviazi dla prasoŭvańnia nazvanych idej.
Dalejšy los «Cykady» niejadomy — novy konkurs nie byŭ abvieščany, nijakich novych zajaŭ nie apublikavana.
