Nadzvyčajnaje zdareńnie adbyłosia ŭ vioscy Kastryčnik Łahojskaha rajona ranicaj 15 lutaha, paviedamiła ŭ svaim fejsbuku pradstaŭnik Śledčaha kamiteta Taćciana Biełanoh.
U vyniku vybuchu aciaplalnaha katła adbyłosia častkovaje razbureńnie kacielni. Pamiaškańnie, raźmieščanaje asobna ad navučalnaha korpusa, abahravalisia drovami. U vyniku vybuchu zahinuŭ mužčyna, miascovy žychar, 1990 hoda naradžeńnia.
Na miesca zdareńnia prybyli śledčyja USK pa Minskaj vobłaści, śledča-apieratyŭnaja hrupa SK, supracoŭniki MNS, pradstaŭniki Dziaržaŭnaha kamiteta sudovych ekśpiertyz, pierasoŭnaja kryminalistyčnaja łabaratoryja.
U chodzie pravieračnych mierapryjemstvaŭ śledstvam atrymanyja papiarednija dadzienyja, jakija śviedčać, što asnoŭnaj pryčynaj vybuchu staŭ čałaviečy faktar, nievykanańnie techniki biaśpieki.
Pa dadzienym fakcie Łahojskim RaSK zaviedziena kryminalnaja sprava pa art. 144 KK (pryčynieńnie śmierci pa nieaściarožnaści). Pa niepasredna ŭźnikłym padazreńni ŭ ździajśnieńni złačynstva zatrymanyja dvoje rabotnikaŭ kacielni, 1975 i 1953 h. n. U momant vybuchu kačahary razam z zahinułym znachodzilisia ŭ pamiaškańni kacielni. Z padazravanymi pracujuć śledčyja.
