18 lutaha ŭ 18:00 u Muziei sučasnaha vyjaŭlenčaha mastactva adkryvajecca vystava narviežskaha mastaka Łarsa Stranda. Vystava arhanizavana halerejaj «Artpłac», znachodzicca pad patranatam art-centra Marka Rotki (Daŭhaŭpiłs, Łatvija), na viernisažy buduć prysutničać aŭtar i kiraŭnictva art-centra.
Łars Strand — heta pieršy narviežski žyvapisiec, jaki ekspanujecca ŭ Minsku. Jon naradziŭsia ŭ Hiotebarhu (Šviecyja) u 1961 h., u 23 hady pierajechaŭ u Narviehiju, dzie atrymaŭ mastackuju adukacyju. Žyvie ŭ Osła. Na jaho rachunku bolš za 40 piersanalnych i bolš za 100 hrupavych vystavaŭ u Šviecyi, Narviehii, Danii, Francyi, Hiermanii, Šviejcaryi, Łatvii i Litvie. Aktyŭna supracoŭničaje z halerejami Jeŭropy i ZŠA, ź mižnarodnymi art-kirmašami ŭ Karłsrue, Kiolnie, Majami, Stakholmie, Strasburhu. Pracy Stranda znachodziacca ŭ dziaržaŭnych i pryvatnych kalekcyjach pa ŭsim śviecie. Z 2014 h. try katałohi Stranda pradstaŭlenyja ŭ Biblijatecy Mietrapolitan-muzieja (Ńju-Jork, ZŠA).
Vystava praciahniecca da 4 sakavika.
Muziej sučasnaha vyjaŭlenčaha mastactva
adras: pr-t Niezaležnaści, 47
čas pracy: 11:00 — 19:00
+37517 284 86 21
vychadnyja: niadziela, paniadziełak
