Mižnarodny kalektyŭ prafiesijnych astranomaŭ paćvierdziŭ raniejšaje nazirańnie astranomaŭ-amataraŭ. Upieršyniu zaŭvažanaja amatarami ŭ sakaviku 2012 hoda dymka la paŭdniovaha polusu płaniety dvojčy pakazałasia śpiecyjalistam.
Dymku bačyli ciaham dziesiaci dzion ź pierapynkam u miesiac, jana nie jość chibnaściu pryboraŭ, raspaviadajuć navukoŭcy ŭ časopisie Nature.
Vobłaka raskidałasia na tysiaču kiłamietraŭ na vyšyni 200 kiłamietraŭ.
Jano nie moža naležyć atmaśfiery Marsa, jakaja nie maje abłokaŭ vyšej za 100 kiłamietraŭ. Adna z teoryj kaža pra svojeasablivaje marsijanskaje palarnaje źziańnie (u tysiaču raz macniejšaje za ziamnyja anałahi), inšaja — strumieni vuhlakisłaha hazu i čaścinki vady, što ŭtvaryli vobłaka na niezvyčajnaj vyšyni suprać viadomych siońnia zakonaŭ marsijanskaj atmaśfiery.
