Niahledziačy na hłybokija śniežnyja zanosy, jakija ŭtvarylisia ŭ Bostanie, mer staradaŭniaha horada na paŭnočnym uschodzie ZŠA zaklikaŭ miascovych žartaŭnikoŭ spynić skakać z voknaŭ ŭ hurby.
Mer Bostana Marcin Uołš źviarnuŭsia da amataraŭ vostrych adčuvańniaŭ, jakija ŭ vialikaj kolkaści vykładvali videazapisy svaich podźvihaŭ u internecie.
«Heta hłupstva, i vy možacie zabicca da śmierci… Tut vam nie harnałyžny kurort, a horad Bostan», — pavučalna zaŭvažyŭ kiraŭnik horada.
Ciapierašni luty ŭ Bostanie pabiŭ usie rekordy pa kolkaści śniehu, — apadkaŭ vypała ŭ 10 razoŭ bolš, čym za typovuju zimu ŭ hetych miescach.
«Nam mienš za ŭsio chočacca reahavać na vykliki z-za taho, što niechta vyskačyŭ z akna, bo heta zdavałasia pryšpilna», — skazaŭ Uołš.
U aŭtorak u Bostanie vypała jašče ad 2 da 5 sm śniehu. Adnak jašče nie rastali hurby, pryniesienyja papiarednimi śniehapadami.
